Cooking the best online recipes

محشى الكرنب

الشيف Marian Hanna

محشى الكرنب

 

و بالهنا و الشفا ..

تقييم هذه الوصفه

خطوة 1

تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة وتحطية فى الماء المغلى يا دوب ثوانى و تطلعية فى المصفاة. بعد كدة تقطعية حسب المقاس اللى انتى عايزاة طريقة عمل الخلطة:

خطوة 2

تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب

خطوة 3

بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل والزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس

خطوة 4

وتحشى ورق الكرنب ورقة ورقة ومش كتير علشان ما ينفش. ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش

خطوة 5

اغلى ماء فى حلة (ممكن مكعب خضروات) و فيها معلقة زيت علشان المعلقة دى هى اللى بتدى صابع الكرنب لمعة من برة

خطوة 6

ضعى شوربة المكعب على الكرنب بحيث يا دوب تكون عند الصف الاول وتحطية على النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية و ممكن عند التقديم تقلبى الحلة زى ما هيا فى سرفيس فحتلاقى شكل الطبق من فوق مرصص بحلقات الطماطم شكله حلو

خطوة 7

اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعدت عنها دة معناه انها خلصت و هكذا

التعليقات

ما رأيك ؟
. لإضافة تعليق ، يجب تسجيل الدخول أولا
عضو جديد تسجيل دخول
   0 تعليق

قد ترغب أيضا هذه

سمك فيليه بصوص الجمبرى
سمك فيليه بصوص الجمبرى
البيتزا
البيتزا
تفاح مشوي بالفرن
تفاح مشوي بالفرن
المعكرونة بصلصة الباذنجان
المعكرونة بصلصة الباذنجان